كيف تفرق بين النوع #الأول_والثانى_للسكر ؟

كيف تفرق بين النوع #الأول_والثانى_للسكر ؟
بعض الزملاء وأحيانآ مراكز متخصصة فى السكر يطلب من المرضى حديثى التشخيص بالسكر عمل تحليل إنسولين وسى بيبتيد C- PEPTIDE (مخزون الإنسولين ) حتى يفرقون بين النوع الأول والثانى .
.
وللأمانة أنا شخصيآ لا أطلبهم فى بداية التشخيص وتكلفة غير مفيدة للمريض بل أحيانآ مضللة
والتفرقة تعتمد على علامات أخرى كثيرة منها
.
نقص الوزن الحاد و كثرة التبول وشدة الجفاف وغير ذلك أكثر فى النوع الأول فى النوع الأول
أو زيادة الوزن ووجود علامات مقاومة انسولين فى النوع الثانى
وتتدخل خبرة الطبيب واستجابة المريض لبروتكول العلاج فى تقييم الأمر .
وأحيانا لا توجد علامات جازمة فى بعض الحالات
.
ووجدت هذا الشرح المفيد لزميل فاضل ورأيت ر أن من واجبى أن أنشره حتى يستفيد الجميع مع تعديل لغوى بسيط ؟
.

- ليه وظايف البنكرياس [ C-peptide ] ما أقدرش أعتمد عليها ف التفرقة بين النوع الأول والنوع التاني من السكر إلا بعد سنة من التشخيص ع الأقل ؟!
= أولاً من المعروف إن حلايا بيتا فى البنكرياس بتفرز Proinsulin
ثم ال Proinsulin نفسه يتقسم لجزئين
Insulin , , و C-peptide
مستوى الانسولين ف الدم بيتأثر بكذا حاجه عشان كده
ال C-peptide بيكون أكثر دقة عن الانسولين نفسه ف تحديد وظايف البنكرياس
طبعاً ف النوع الأول من السكر ال C-peptide هيكون أقل من الطبيعى ، والرقم المتفق عليه ف تشخيص النوع الأول
إن ال C-peptide يكون أقل من 0.6 نانوجرام
-------------------------------------------------------------------------
- نرجع لسؤالنا طيب ليه ما اقدرش أعتمد عليه ف التفرقة بين النوع الأول والنوع التاني إلا بعد سنه من التشخيص....؟
= لإن النوع الأول لما بيحصل ما بتكونش كل خلايا بيتا المفرزة للإنسولين اتكسرت..لأ بيكون لسه فيه نسبة
مازالت تفرز
النسبة دي وارد جداً ف أول سنة من التشخيص يحصلها نشاط مؤقت مفاجيء نتيجة ما يسمى بشهر العسل
Partial remission phase = Honeymoon phase
#نشاط_مؤقت_ف_خلايا_بيتا_المفرزة_للإنسولين
فترجع تفرز انسولين بكميات كبيره لدرجة إنك ممكن تحتاج توقف انسولين الوجبات
Bolus insulin = Premeal insulin
وكمان ممكن ف خلالها ما تحتاجش غير جرعات صغيره من الانسولين القاعدي [ Basal insulin ]
فوارد تعمل للعيان ده C-peptide وتلاقيه طبيعى فتقوله انت اللي عندك نوع تاني مش نوع أول , وهنغيرلك العلاج من انسولين لأدوية بالفم ، وانت مش واخد بالك إنه ممكن يكون ف مرحلة شهر العسل وتتفاجيء بالعيان جايلك بغيبوبة سكر
DKA [ Diabetic Ketoacidosis ]
إذاً C-peptide الطبيعى ف أول سنه من التشخيص
لا يجزم بأن السكر نوع تانى
-------------------------------------------------------------------------
- طيب سؤال تاني ، لو ال C-peptide من البداية طلعت أقل من ال 0.6 نانوجرام ، مش ده يثبت إنه Type 1 ؟!
= لأ ما يثبتش ، وارد يكون Type 2 ولكن جاي ب
Gluctotoxicty
#فشل_مؤقت_ف_خلايا_بيتا_المفرزة_للإنسولين
نتيجة ارتفاع السكر فمنع خلايا بيتا إنها تفرز Proinsulin ومن ثمَّ هتلاقي الانسولين أقل من الطبيعى وبالتبعية
ال C-peptide أقل من النورمال
و بالتالي مقدرش أعتمد ع وظايف البنكرياس ف التفرقة بين النوع الأول والتاني